La plega de Nadal de 2025 d'IEO Edicions es en preparacion. Los libres seràn disponibles al mes de febrièr de 2026
Coma cada còp los quatre libres son propausats en soscripcion. Es dubèrta fins al 31 de genièr de 2026. Lo prètz es de 50 € al lòc de 61 €. Las despensas de mandadís son inclusas.
Se pòt comandar en linha via IDECO
*
→ L’Arqueta del divin Marqués de Joan-Claudi Sèrras (A Tots n° 245 (roman), 240 paginas).
L’arqueta del divenc Marqués es un roman d’intriga policièra, que la trama n’es la descobèrta supausada, dins los darrièrs meses del sègle XX, d’un manuscrit desconegut del marqués de Sade, escrit en occitan provençal. Aquò engendra controvèrsias e intrigas dins los mitans universitaris, sustot occitans, aital coma compòrtaments incontrolables de societats secretas e la preocupation dels poders politics.
Aquel roman d’ambient gotic es l’escasença d’un questionament sus l’influéncia de la literatura.
*
→ Viatges de Joan Ros (A Tots n° 246 (roman), 200 paginas).
Viatges es un recuèlh de racontes inspirats per las peregrinacions de l’autor en Russia e en Irlanda. Es lo recuèlh que ven completar en trilogia los dos primièrs per IEO Edicions : Champeiradas (2005) e Ciutats (2008).
*
→ País negat de Bernadeta Romieu (A Tots n° 247 (roman), 304 paginas).
País negat es l’istòria de Simian, un jovent nascut en Aubrac e que torna de la guèrra d’Argèria. S’i mesclan los sieus remembres d’enfança, çò que visquèt pendent la guèrra e un projècte de barratge que va negar lo país.
*
→ Tant s’empòrta... la Tramontana de Anne Jouve e Florian Vernet (A Tots n° 248 (roman), 128 paginas).
Tant s’empòrta... la Tramontana es un roman jos fòrma de scenari escrit per una saga televisada. Los autors ne son dos joves inscrits en master a l’universitat d’Ais de Provença, Angèla e Frederic, amics dempuèi la terminala. Lor passa pel cap d’escriure un scenari que de societats de television generalista poirián crompar.
