plega-ieo-2016La Plega IEO de 2016 es en soscripcion.

Ongan :

Florian Vernet - La nau dels fòls - A tots n°204, 200 paginas, 15 €

L’apostilha que claus lo darrièr roman nos explica que lo projècte inicial se titolava Lo Radèl de la Medusa e qu’èra « una sembla autobiografia en fòrma de faula satirica un pauc tròp transparenta suls trecimacis de l’occitanisme recent ». Precisa que se mudèt finalament en Nau dels fòls per d’escuras rasons que, sens cap de dobte, los legeires las comprendràn mièlhs que lo quite autor.

Esteve Ros - Una lonja convalescéncia - A tots n°205, 76 paginas, 13 €

En seguida d’un accident, un jòune òme se tròba a l’espital. Pensa de poder sortir pro lèu, mas sa convalescéncia es mai lonja que previst.

Sèrgi Gairal - Lo papagai e lo robòt - A tots n°206, 196 paginas, 15 €

Dins una vilòta, de cans desapareisson ; la premsa ne parla, l’inquietud ganha. Florença, jove retirada, a paur pel sieu Perlon... Es dins aquel contèxt que l’ostal aculhís dos « membres » novèls, un papagai, puèi un robòt, que lor preséncia insolita serà pas sens consequéncias sus la vida de la familha, del vesinatge, e mai del barri de las Pimparèlas.

Joan Ganhaire - Sevdije - A tots n°207, 140 paginas, 15 €

Queste còp quo es los empluiats de la prefectura que tomban coma de las moschas, cotelats dins las ruas de Maraval... E quo es una òrra dralha que se drueba per lo comissari Darnaudguilhem e sa fiera esquipa... Mas coma sovent, una dralha ne’n pòt clachar una autra, e la tòrna de Sevdije, la brava Kosovar ne’n chaba pas de credar venjança. E la fina e blonda Guita Beringuier, la novela recruá, es pas la darriera a mostrar sas capacitats dins quela enquesta malaisada ente se boiran arcandiers vertadiers e refugiats politics.

Romieg Jumèu - Rèire-vida - A tots n°208, 92 p., 13 € E se, just après d’aver plegat lei parpèlas e just avans que nos portèsson en tèrra, passaviam un entrevau dins una rèire-vida, fragils e derisòris coma d’aucèus ?

Los cinc libres son a 50 èuros allòc de 71. Atencion, la soscripcion s'acaba lo 3 de junh de 2016.


Montpelhièr : mòstra 'Lynne Cohen. Doble òrb 1970-2012'

Lynne Cohen Corporate Office

Del 27 de junh al 22 de setembre de 2019, lo Pavillon Populaire, espaci d’art fotografic de la Vila de Montpelhièr, aculhissiá la mòstra Lynne Cohen. Doble òrb 1970-2012.

Sèrgi Viaule : critica de 'Bonjour tristesse'

Françoise Sagan

Dins lo numèro 144 de la revista Infòc de decembre de 1995, pareissiá la critica de Sèrgi Viaule del libre de Françoise Sagan paregut en 1954.

Union Europèa : ajudas a la infrastructuras de transpòrt

Ralh ferroviari

Lo dijòus 22 de junh de 2023 la Comission Europèa comunicava sus la politica de l'Union en matèria de transpòrt. Son 6,2 miliards d'èuros que seràn investits dins las infrastructuras.

Los romans de Cristian Chaumont

Los darrièrs romans de Christan Chaumont

Cristian Chaumont publiquèt son primièr libre en 2010 a IEO Edicions, un roman policièr d'un pauc mai de cent paginas que revolucionèt pas las letras occitanas mas qu'aviá alara lo merite de donar a la literatura nòstra un libre dins un genre un pauc delaissat : lo policièr.

Istòria : 1065, assemblada de Tologes

Enluminure

Un article de la revista Viure numèro 3, 1965.