La vida - Eri Fraj

Detalh de la cobèrta del CD d'Eric Fraj La vida

Eric Fraj prepara un doble CD per la fin de 2021. Aquí çai-jos lo sieu tèxt.

La vida, 50 ans de cançon

Amigas e amics,

Per mos cinquanta ans de cançon, sortirai a la fin de 2021, en collaboracion amb lo CAMOM e Tròba Vox, un doble CD titolat La vida : 32 cançons (30 ineditas) tiradas dels concèrts RdV (creat a Foish en 2017 amb la Cia Guillaume López, produit per L’Estiva, Scèna Nacionala) e La vida (creat en duo amb Morgan Astruc, al COMDT de Tolosa, en octòbre de 2018), o mai ancianas o mai recentas.

En occitan, catalan, castelhan o francés, caduna es una creacion musicala especifica per aqueste CD, dins l’eclectisme estilistic qu’aimi, aitant musical (tango, reggae, baladas, blues, jazz, flamenco, etc.) coma poetic (Villon, Lorca, Bodon, Vaqueiras, Domenica Decomps, Robèrt Martí, Joan Rigosta, Danièla Hoursiangou-Estebe, + tèxtes personals), per evocar un viatge estranh e complèxe : la vida. Amb d’artistas de tria : Daidièr Mir (grafisme), Morgan Astruc (adobaments, palmas, guitarra), Mingo Josserand (presa de son, adobaments, piano, clavièrs), Thierry Roques (acordeon), Clairveau Ramsamy (contrabassa), Hervé Chiquet (percussions), Simon Portefaix (batariá e percussions), e de segur mon complici de 20 ans : Guillaume López (adobaments, votz, flaütas, boha).

Sens oblidar las suspresas ! Ja son en bóstia un detzenat de cançons. Mas cap de multinacionala non nos ajuda pas. Sola vòstra ajuda serà vertadièrament decisiva per me/nos permetre de continuar. Alavetz, per avança, mercés !

Eric Fraj

Per soscriure, doas possibilitats :

  • siá comandar lo doble CD sol per 20 € e lo reçaupretz a sa sortida ;
  • siá comandar per 50 € lo CD + un monotip format 30 x 40cm a l'òli sus papièr (gravadura manuala), unic e signat de Mir, l'artista que realiza la jaqueta de l'album. Recebretz lo monotip – non encadrat – tre comanda passada. Atencion ! Lo monotip recebut serà forçadament diferent del de la jaqueta, es una pèça unica !

Bon de comanda d’enviar a :

Eric Fraj
4 rue Sant-Laurenç
31390 Carbonne

Per ne saupre mai cal anar sus https://ericfraj.com

La vida - Eri Fraj


Antonin Perbòsc : Fuòc nòu (1904)

Antòni Perbòsc

Article d'Antonin Perbòsc publicat pel primièr còp dins la revista Mont-Segur en 1904.

Qualques reflexions de Florian Vernet sus la lenga occitana

Occitan estandard - Vernet

Dins lo present article, paregut en 2016, Florian Vernet presentava sas reflexions sus la situacion de la lenga occitana.

Los Païses Baltics son desconectats dels malhums electrics rus e bielorús

Electricitat, pilònes

Lo dimenge 9 de febrièr de 2025 son estats desconectats dels malhums electrics rus e bielorús los tres Estats Baltics, Estònia, Letònia e Lituània.

Presentacion del libre 'L'épopée cathare' de Michel Roquebert

L'épopée cathare, Michel Roquebert

En 1970 editat per Privat a Tolosa sortissiá lo primièr tòme del libre de Michel Roquebert, L'épopée cathare.

Critica del libre de Georges Labouysse 'Histoire de France, l’imposture'

Siege d'alesia, Vercingetorix Jules Cesar

Dins la revista Lo lugarn numèro 94 Cristian Rapin tornava sul libre de Georges Labouysse Histoire de France, l'imposture.